Венесуэладаги сиёсий жараёнларга Мария Корина Мачадо ҳам жалб этиладими?

Трамп Венесуэладаги сиёсий жараёнларга Мария Корина Мачадо ҳам жалб этилиши мумкинлигига умид қилишини билдирди.

Доналд Трамп бу ҳақда АҚШ президенти лавозимига киришганининг бир йиллиги муносабати билан ўтказилган матбуот анжуманида айтиб ўтди.

Президентнинг сўзларига кўра, у Мачадо билан мулоқот олиб бормоқда ва уни муайян шаклда Венесуэладаги сиёсий жараёнларга қўшиш имконияти кўриб чиқилмоқда. Оқ уй раҳбари мухолиф сиёсатчининг фаолиятини юқори баҳолаб, Мачадонинг сўнгги ҳаракатларини “ҳайратланарли” деб атади.

Шунингдек, Трамп Венесуэла билан ҳамкорлик ижобий шаклда йўлга қўйилаётганини таъкидлаб, мамлакат унга ёқишини билдирган.