Венесуэла нефтини ташиш фақат АҚШ қонунлари асосида амалга оширилади

АҚШ маъмурияти Венесуэла нефтини фақат АҚШ қонунчилиги ва миллий хавфсизлигига мос келадиган ташишга рухсат беради.

Бу ҳақда Оқ уй аппарати раҳбари ўринбосари Стивен Миллер баёнот берди.

"Фақат АҚШ қонунчилиги ва миллий хавфсизлигига мос келадиган денгиз энергиясини ташишга рухсат берилади", деб ёзди у ижтимоий тармоқдаги саҳифасида, Пентагон котиби Пит Хегсетнинг АҚШ Венесуэла нефтини ташувчи кемаларни блокада қилишда давом этиши ҳақидаги постига изоҳ бериб.

"Венесуэла энергетика сектори Қўшма Штатлар томонидан ўрнатилган қонуний ва рухсат этилган тижорат каналлари орқали чексиз иқтисодий салоҳиятга эга”, — дея қўшимча қилди Миллер.

Аввалроқ Пентагон Россиянинг “Маринер” нефть танкери Атлантика океанида қўлга олингани ҳақида хабар берган эди. Операция АҚШ Адлия вазирлиги ва Ички хавфсизлик департаменти томонидан ҳарбийлар билан келишилган ҳолда амалга оширилди. Шу билан бирга, Хегсет "Маринер"ни ҳибсга олиш операциясини Венесуэлага қарши нефть эмбаргоси билан боғлади.