Венесуэла АҚШни ҳарбий аралашув билан таҳдид қилишда айблади

Венесуэла қуролли кучлари АҚШнинг айбловлари ва таҳдидларини рад этади ва республика мустақиллиги ва ҳудудий яхлитлигини сақлаб қолади.

Бу ҳақда Боливар Республикаси Мудофаа вазирлиги ўзининг Telegramдаги каналида баёнот берди.

"Венесуэла Миллий Қуролли Кучлари АҚШ президенти Дональд Трампнинг 16 декабрь куни мамлакатимизни ҳарбий ҳаракатлар билан қўрқитиб, Венесуэла нефтини олиб кетаётган кемаларни мусодара қилиш учун денгиз блокадасини тўлиқ ўтказишни буюрган, бу очиқ қароқчилик ҳаракати бўлган ёлғон баёнотларини қатъиян рад этади”, — дейилади хабарда.

Венесуэлага қарши ҳарбий таҳдидларнинг кучайиши "режимни ўзгартириш ва республиканинг нефть ва бошқа стратегик ресурсларини шафқацизларча тортиб олишга” қаратилган, дейилади баёнотда. Шунингдек, АҚШ Монро доктринасини қайта тиклашга ва "Ғарбий ярим шарда неоколониал ҳукмронликни ўрнатишга" ҳаракат қилмоқда.

Қуролли кучлар Венесуэла халқи ва полицияси билан бирликда "Республиканинг конституциявий ва демократик тузумини, мамлакат ҳудудий яхлитлигини, ҳаво ва денгиз маконига бўлган қонуний ҳуқуқларини сақлаб қолади ҳамда эркинлик, суверенитет, мустақиллик ва тинчликни сўзсиз ҳимоя қилади”, — дея таъкидлади Венесуела Мудофаа вазирлиги.