Депортация қилинган ва Сальвадорда сақланаётган венесуэлалик муҳожирларга АҚШнинг муносабати "инсониятга ҳужум"дир. Бу ҳақда пайшанба куни Венесуэла мудофаа вазири Владимир Падрино Лопес маълум қилди.
"Венесуэлалик муҳожирлар билан содир бўлаётган нарса - қўпол нарса... бу Венесуэлага қилинган ҳужум эмас, бу инсониятга қилинган ҳужум", деди у Боливар миллий милициясининг 16 йиллигини нишонлаш чоғида.
"Муҳожирни венесуэлалик бўлгани учунгина қўлга олиш, ҳибсга олиш ва қамоққа олиш, уни самолётга миндириш, қўлига кишан солиш ва бошқа давлатга жойлаштириш Венесуэлага қилинган ҳужум эмас, балки инсониятга қилинган ҳужумдир”, деб таъкидлади вазир.
Вашингтон инсонларнинг асосий ҳуқуқларини поймол қилмоқда, шунингдек, Венесуэлага қарши унинг иқтисодиётини бўғиб қўйиш ва янада беқарорлаштиришга қаратилган “янги санксиялар тўлқини”ни жорий қилмоқда, дея қўшимча қилди В. Падрино Лопес.
