"Валютчик"лик билан шуғулланиб келган шахслар ушланди

Бош прокуратура ҳузуридаги Департаментнинг Бўзатов тумани бўлими ва ИИБ ходимлари ҳамкорлигида ўтказилган тезкор тадбирда фуқаро К.Н. 4 000 АҚШ долларини 51,6 млн сўмга сотиб олган вақтида ашёвий далиллар билан ушланган.

Шу каби, Департаментнинг Когон шаҳри бўлими ва ИИБ ходимлари ҳамкорлигида ўтказилган тезкор тадбирда фуқаро З.Ш. фуқаро Б.Р.дан 3 500 АҚШ долларини 45,2 млн сўмга сотиб олган вақтида ашёвий далиллар билан ушланган.

Департаментнинг Учқудуқ тумани бўлими ходимлари томонидан ўтказилган тезкор тадбирда фуқаролар С.Р. ва Н.С. фуқаро Б.Н.га 3 700 АҚШ долларини 48,1 млн сўмга сотган вақтида ашёвий далиллар билан ушланганлар.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.