Олий ва ўрта махсус таълим вазирлигида Санкт-Петербург кончилик университети вакиллари билан учрашув бўлиб ўтди. Университетнинг олий таълимгача тайёргарлик ва ижтимоий дастурлар маркази директори, қабул комиссияси масъул котиби В.Воронов билан Олий ва ўрта махсус таълим вазири ўринбосари У.Бегимкулов ўртасидаги учрашув самарали кечди.
– Университетимизга 2019-2020 ўқув йилида 17 нафар ўзбекистонлик талаба қабул қилинди, уларнинг иштиёқи таҳсинга лойиқ, – деди учрашувда В.Воронов. – Ўзбекистон олий таълим тизимидаги ўзгаришлар, қолаверса, юртингиз таълим ва меҳнат бозоридаги талабнинг юқорилиги, иқтисодиётнинг ривожланиши ҳар қандай кадр тайёрловчиларни қизиқтиради.
2021 йилда Ўзбекистонда университетнинг филиалини ташкил этилиши режалаштирилган. Музокараларда филиални ташкил этиш билан боғлиқ ташкилий тадбирлар муҳокама қилиниб, томонларнинг вазифалари белгилаб олинди.
Россия делегацияси Ўзбекистон олий таълим муассасалари билан разведка, ишлов бериш, бурғилаш технологияси, нефть ва газ, энергетика, металлургия, экологик хавфсизлик, геоэкология, машинасозлик каби йўналишларда ҳамкорликда кадрлар тайёрлашдан манфаатдор эканини қайд этди.
Меҳмонлар Миллий технологик тадқиқотлар университети “МИСиС”нинг Олмалиқ шаҳридаги филиалига ташриф буюриб, олийгоҳдаги шароитлар билан танишдилар.
Ботир Қодиров Зоҳиршоҳ Жўраевни судга берди. Сабаби маълум (ФОТО)
Озодбек Назарбеков Ботир Қодиров ва Жўраевлар ҳақида: “Учта тирранча буюк санъаткорни лойга булғамоқда”
Шойгу уруш тугайдиган “аниқ ва шубҳасиз” санани маълум қилди
