Бугун 28 июнь, 2022 йил, сешанба

O'ZB

Ўзбекистонда почтальон Печкинга ёдгорлик ўрнатилди

Ўзбекистонда почтальон Печкинга ёдгорлик ўрнатилди

Почтальон Игорь Иванович Печкин — болалар ёзувчиси Эдуард Успенский қаламига мансуб асарлар қаҳрамони бўлиб, кейинчалик бу асарлар асосида «Союзмульфильм» киностудияси томонидан бир неча серияли мультфильм ишланган («Простоквашинолик уч шоввоз», «Простоквашинода таътил», «Простоквашинода қиш», «Фёдор амаки, кўппак ва мушук: Матроскин ва Шарик»). 

Печкин ёдгорлиги Урганч шаҳрининг марказий ал-Хоразмий кўчасида, почта хизматларини кўрсатувчи компания олдида ўрнатилган. Бу тадбирдан мақсад - мижозларни жалб қилишга асосланган маркетинг ҳийласи экани кўриниб турибди. Бироқ бу воқеа шаҳарнинг сайёҳлар учун жозибасини ҳам бироз бўлса-да, ошириши шубҳасиз.

Ёдгорлик одам бўйи баландлигида, бронзадан ясалган. Унда почта сумкасини осиб олган ва велосипед миниб олган Печкин гавдаланган. Унинг елкасида эса мультфильм қаҳрамонларидан бири чумчуқча ҳам бор.

Қизиғи шундаки, бу Печкинга ўрнатилган дунёдаги биринчи ёдгорлик эмас. Айни пайтда, Россиянинг Луховици, Колпино, Раменское ва Цивильск шаҳарчаларида ҳам мультфильмнинг тиниб-тинчимас қаҳрамони ҳайкаллари бор.

Россиянинг Луховици шаҳарчасидаги ёдгорлик
Россиянинг Колпино шаҳарчаси
Россиянинг Раменское ва Цивильск шаҳри
Киритилди: 20:45 15.06.2018. Ўқилди: 2395 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!