Ўзбекистонда айни дамда коронавируснинг биринчи тўлқини кечмоқда. Бу ҳақда Санитария-эпидемиологик назорат инспекцияси бош инспектори Нурмат Отабеков маълум қилди.
"Ҳозир кўпчилик иккинчи тўлқин, учинчи тўлқин ҳақида гапирмоқда. Кўплаб тўлқинларни санашди. Аммо қачонки коронавирусга чалинган беморлар тўлиқ тузалиб, коронавирусга чалиниш тўхтаса, ҳеч ким вирус юқтирмай қўйсагина биринчи тўлқин тугаган бўлади. Ҳозир бизда коронавируснинг биринчи тўлқини", – деди Отабеков.