Ўзбекистонда болалар нафақаси оширилиши мумкин

2026 йилдан болалар нафақаси миқдорини инфляция даражасида мунтазам ошириш режалаштирилмоқда. Бу ҳақда Иқтисодиёт ва молия вазирлиги маълум қилди.

Қайд этилишича, болалар нафақаси 3,5 йил давомида ўзгармаган фақат 2025 йил июлда 10 фоизга оширилган. Эндиликда нафақа инфляциядан кам бўлмаган миқдорда индексация қилинади.

Вазирлик вакилига кўра, ижтимоий ёрдам тизими рақамлаштирилиб, маблағлар чиндан муҳтож оилаларга манзилли равишда тўланяпти. Шу орқали нафақаларни ошириш имконияти яратилган.