Ўзбекистонда болага фамилия танлаш имконияти кенгайтирилди

Сенат маъқуллаган қонунга кўра, ота-оналар фарзандига фамилия сифатида отасининг исмини бериши мумкин бўлади.

Масалан, отасининг исми Анвар бўлса, боланинг фамилияси Анвар бўлиши мумкин.

Амалдаги тартибда боланинг фамилияси ота ёки онанинг фамилияси асосида белгиланади. Миллий анъанага кўра, бобосининг исмини фамилия сифатида бериш ҳам мумкин.

Сенаторларга кўра, ўзгартириш фуқароларга фарзандига фамилия танлашда миллий ва диний анъаналарни ҳисобга олиш учун қўшимча имконият беради.