Ўзбекистон ва Хитой оқава сувларни тозалаш ускуналари ишлаб чиқариш бўйича ҳамкорлик қилмоқчи

Ўзбекистон ва Хитой оқава сувларни тозалаш ускуналари ишлаб чиқариш бўйича ҳамкорлик қилмоқчи.

Шу ва бошқа масалалар Экология вазири Азиз Абдуҳакимов ва Хитойнинг Ўзбекистондаги тадбиркорлари уюшмаси раиси Лю Ю учрашувида муҳокама қилинди.

Вазир қаттиқ маиший, электрон чиқиндиларни бошқариш, полигон газидан энергия ишлаб чиқариш бўйича ҳамкорликдан манфаатдор эканини таъкидлади.

Хитойлик тадбиркорлар эса шовқинни камайтиришни талаб қилувчи иншоотларни таъмирлаш, темир йўл транспорти, энергетика, саноат, нефть-газ каби соҳаларида ҳамкорлик қилиш режалари билан ўртоқлашди.