Ўзбекистон банкларида олтин нархи йил бошидан бери 27 марта ошди

Ўзбекистонда 21 апрель куни олтин қуймаларнинг нархи янги рекорд кўрсаткичга етди. Бу ҳақда Марказий банк хабар берди.

Унга кўра, 1 грамм олтин 1 миллион 454 минг 920 сўмга баҳоланмоқда. Бу 18 апрель куни қайд этилган нархдан 1,7 фоизга ва 17 апрелдаги аввалги рекорддан 0,9 фоизга кўпдир. 5 граммлик ўлчовли қуйма эса 7 миллион 275 минг сўмдан сотилмоқда.

Йил бошидан буён олтин 28,5 фоизга қимматлашди ва камида 27 марта, жумладан, апрель бошидан саккиз марта нарх рекордини янгилади.