Украинанинг собиқ президенти мурожаатида Путинни қўллаб-қувватлашини билдирди

РИА Новости Виктор Януковичнинг мурожаатини эълон қилди.

Украинанинг собиқ президенти мурожаатида Путинни қўллаб-қувватлашини билдирди ва Украина NATO’га қўшилишига ҳар доим қарши бўлганини айтди.

"Мен Украинани Европa Иттифоқига қўшилиш жараёнини назорат қилганман ва буни олға силжитганман, аммо мамлакатнинг NATO'га киришига доимо қатъий тарзда қарши бўлганман. Мен бу Украина учун ҳалокатли бўлишини яхши тушунганман. Бу тўғридан-тўғри фуқаролик урушига олиб борадиган йўл", — дея таъкидлади Янукович.

Украинанинг собиқ президенти ўз мурожаатида Владимир Путиннинг сиёсатини тўғри деб ҳисоблашини ва уни қўллаб-қувватлашини билдирди.

Эслатиб ўтамиз, Янукович 2014 йилда Украинадаги Майдан воқеаларидан кейин Россияга қочиб кетган эди. У Украинада давлатга хиёнат иши бўйича сиртдан 13 йилга ҳукм қилинган, кейинчалик давлат чегарасини ноқонуний кесиб ўтиш иши бўйича яна 15 йилга озодликдан маҳрум этиш жазоси тайинланган.