Бу ҳақда Reuters хабар берди.
Украинанинг порт инфратузилмаси, қувурлар ва нефтни қайта ишлаш заводларига берган зарбалари Россиянинг экспорт салоҳиятини сезиларли даражада камайтирди. Охирги ойда Украина Болтиқ бўйидаги Усть-Луга ва Приморск портларига ҳужумларни кучайтирган.
Агентликнинг ҳисоб-китобларига кўра, Россия умумий экспорт қувватининг камида 20 фоизи ҳозирда ишламаяпти. Бу кўрсаткич март ойидаги 40 фоизлик энг юқори нуқтадан пастроқ бўлса-да, соҳа мутахассисларининг фикрича, бу Россияда нефт қазиб олиш ҳажмига таъсир қилиш учун етарли ҳисобланади.
Дунёдаги иккинчи йирик экспортёр бўлган Россияда қазиб олишнинг камайиши глобал бозорга босимни оширади. Айниқса, Яқин Шарқдаги можаролар туфайли энергия етказиб беришда узилишлар кузатилаётган бир пайтда бу вазият жаҳон нефт бозорини янада беқарорлаштириши мумкин.
Европа Украинадан воз кечиб, Россия билан ҳамкорлик қилишга ҳаракат қилмоқда
Ҳормуз бўғозида Америка қирувчи самолёти уриб туширилди
Трампнинг босими остида қолган Саудия Арабистони шаҳзодаси Путин билан суҳбатлашди
