Доналд Трамп Вашингтон ва Киев ўртасида фойдали қазилмалар ва камёб ер металлари бўйича тузилган битим АҚШга Украина ресурсларидан фойдаланишда деярли чекланмаган имконият беришини маълум қилди.
"Украина камёб ер элементлари нуқтаи назаридан жуда бой ва жуда унумдор тупроққа эга. Бизда эса камёб ер элементларига оид имзоланган шартнома мавжуд. Биз хоҳлаган вақтимизда у ерга боришимиз ва деярли хоҳлаган нарсамизни олишимиз мумкин", — деди у "Real America’s Voice" телеканалига берган интервюсида ва "бу жуда манфаатли битим бўлганини" қўшимча қилди.
2025 йил 1 май куни АҚШ Молия вазири Скотт Бессент ҳамда ўша пайтда Украина Иқтисодиёт вазири лавозимини эгаллаган Юлия Свириденко Украинани қайта тиклаш бўйича Америка-Украина инвестиция жамғармасини ташкил этиш тўғрисидаги битимни имзолаган эди. Жамғарма Украина фойдали қазилмаларини қазиб олишдан тушадиган фойда ҳисобига тўлдирилиши кўзда тутилган эди.
Оқ уй раҳбари ўшанда АҚШ ушбу битимдан $350 миллиарддан "анча кўп" манфаат олишини билдирган эди. Унинг сўзларига кўра, Вашингтон Россия томонидан бошланган уруш бошланганидан бери Киевга кўрсатилган ёрдам учун айнан шунча маблағ сарфлаган. Украинада ушбу битим хавфсизлик кафолатларини ўз ичига олмагани тўғрисидаги важ билан танқид қилинган эди.
Хитой электромобиллари омборларда тўпланиб қолмоқда
Флоренцияда “биринчи Cоcа-Cola” рецепти топилди
Россияда олтиндан қиммат минерал топилди
