Украинада армияга чақириш ёш чегарасини пасайтириш ва ёшларни 18 ёшдан бошлаб хизматга жалб этиш зарур. Бу фикрни "Днепр-1" кўнгиллилар батальонининг собиқ командири Юрий Береза билдириб, янги чақирилганларни мамлакатнинг ғарбий ҳудудларига юбориш кераклигини таъкидлади.
Унинг таъкидлашича, чақирилганлар Венгрия, Польша ва Беларусь билан чегарадош ҳудудларга юборилиши мумкин.
Березанинг қўшимча қилишича, армияда хизмат қилиш ўз келажагини давлат хизмати билан боғлашни режалаштираётган ҳар бир киши учун мажбурий босқич бўлиши керак.
"Бизда ҳеч ким нохуш нарсалар ҳақида гапиришни хоҳламайди, – деб таъкидлади собиқ комбат. - Мен яна бир бор айтаман, бизда 18 ёшдан бошлаб ўғил болалар ҳам, қизлар ҳам ҳарбий хизматни ўташи керак," - деди у.
Юрий Березанинг қўшимча қилишича, ёшлар бир йил хизмат қилишлари керак ва ҳозирги 25 ёшдан чақирув тизими адолатсиз, чунки айнан 16-17 ёшда инсон ҳарбий кўникмаларни энг яхши ўзлаштиради.
1 июндан тарифлар ошади: олдиндан тўлов қилганлар 2 ой эски нархда тўлайди
Ўзбекистонда июнда аномал иссиқ оқибатида ҳарорат +47° гача чиқади
Нетаньяху Қуддусдаги шифохонага ётқизилди
