Украинанинг коррупцияга қарши идоралари Олий Рададаги фракциялардан бирининг раҳбари айрим қонун лойиҳалари бўйича овоз бериш эвазига бир қатор халқ депутатларига ноқонуний келишувлар таклиф қилгани фош этилганини эълон қилди. Расмий баёнотда сиёсатчининг исми очиқланмади.
“Украинская правда” ва “Бабел” нашрлари манбалари, шунингдек, Олий Рада халқ депутати Алексей Гончаренконинг маълум қилишича, гап Юлия Тимошенко ҳақида кетмоқда.
Маълумотларга кўра, Киев шаҳрида Тимошенконинг “Баткившина” партияси офисида тинтув ишлари олиб борилмоқда. Ҳозирча Юлия Тимошенко ва “Баткившина” партияси мазкур иш юзасидан расмий изоҳ бермаган.
Юлия Тимошенко 2005 йилда, шунингдек, 2007–2010 йилларда Украина бош вазири лавозимида фаолият юритган. 2011 йилда у Россия билан газ шартномаларини тузишда хизмат ваколатларини суиистеъмол қилганлик айби билан 7 йилга озодликдан маҳрум этилган, 2014 йил феврал ойида эса озодликка чиқарилган.
"Тез орада Ватанимга қайтишга ҳозирлик кўрмоқдаман"
Пропан нархининг кўтарилиши бўйича баёнот эълон қилинди
Италия Бош вазири: "Европа ва Россия ўртасидаги мулоқотни қайта тиклаш вақт келди, акс ҳолда Путиннинг қўлида ўйнаймиз"
