Мамлакат бош вазири ўринбосари Алексей Кулеба Бирлашган Миллатлар Ташкилоти (БМТ) ҳузуридаги Халқаро денгиз ташкилотига тегишли хат билан мурожаат қилди, деб хабар бермоқда Financial Times газетаси ва Британиянинг кемачиликка оид Lloyd’s List журнали.
Мурожаатда қайд этилишича, Россиядан нефт ва газ ташувчи танкерлар "Россия бюджет даромадларини шакллантиришда ва ҳарбий ҳаракатларни давом эттиришни таъминлашда асосий рол ўйнайди", шу сабабли уларнинг фаолиятини "оддий тижорат" сифатида талқин қилиш шубҳа туғдиради.
Бундан ташқари, Кулебанинг маълумотларига кўра, уруш бошланганидан бери Россия 200 дан ортиқ савдо кемаларига ҳужум қилган, улардан 59 тасига Қора денгизда зарба берилган.
FT нашрининг кўрсатишича, июн ойи бошида Москва вакиллари ҳам худди шу ташкилотга хат ёзиб, унда Украина расмийларини март ойи бошида Ўртаер денгизида Arctic Metagaz суюлтирилган газ ташувчи кемасига денгиз дронлари орқали қилинган ҳужум туфайли "терроризм"да айблаган эди.
Ушбу ҳужумдан кейин Россия байроғи остидаги суюлтирилган табиий газ (СТГ) ташувчи танкерлар Африкани айланиб ўтувчи Яхши умид бурни (мыс Доброй Надежды) орқали ўтадиган йўналишни танламоқда, деб ёзади FT.
Газета маълумотларига кўра, 2025 йилнинг ўзида Украина Россия "соя флоти"нинг 10 дан ортиқ кемасига ҳужум қилган.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
