Украина мудофаа кучлари 6 октябрь куни ва 7 октябрга ўтар кечаси Россия ҳарбий объектларига, жумладан, Брянск вилоятидаги "Сеща" аэродромига зарба берганини Украина Қуролли кучлари Бош штаби маълум қилди.
Украина ҳарбийлари шу вилоятда Гринево аҳоли пункти яқинида радиоэлектрон кураш станцияси, Еленка яқинида эса радиолокация станцияси нишонга олинганини ҳам билдирди.
Бундан ташқари, Украина Бош штаби Россия томонидан босиб олинган Украина ҳудудларидаги объектларга ҳам зарбалар берилганини маълум қилди.
Хусусан, Донецк яқинида зарба берувчи дронларни сақлаш, тайёрлаш ва учириш жойи, Запорожье вилоятининг Белоцерковка ва Каменка ҳудудларида эса дронларни бошқариш пунктлари нишонга олингани айтилди.
Донецк вилоятининг Горняк, Украинка ва Кураховка ҳудудларида қўмондонлик-кузатув пунктлари зарарлангани ҳам даъво қилинмоқда.
Луганск вилоятида Криничное яқинида Россия қўшинлари бўлинмаларидан бирига тегишли моддий-техник воситалар омбори, Кондрючее ҳудудида эса ёқилғи-мойлаш материаллари омбори нишонга олингани Украина Бош штаби томонидан билдирилди.
Россиянинг Брянск вилояти губернатори Егор Ковальчук эса аввалроқ 18 та дрон зарарсизлантирилганини маълум қилган. У объектларга зарар етгани ёки жабрланганлар ҳақида хабар бермаган.
Аэропортда янги туғилган чақалоқ ва унинг онаси вафот этди
13 ёшли қиз эгизак фарзандли бўлди
«Биз тайёрмиз»: Мерц Киевдан Путинга мурожаат қилди
