Украина президенти Оқ уйда америкалик ҳамкасби билан музокараларни эрта тарк этди

Бу ҳақда Оқ уй вакилига таяниб, Reuters хабар бермоқда.

Қайд этилишича, Украина раҳбари америкалик ҳамкасби билан ишчи тушлик қилиши керак эди ва иккала етакчи ҳам қўшма матбуот анжумани чоғида фойдали қазилмалар бўйича келишув имзоламоқчи бўлган.

Бироқ, Зеленскийнинг зирҳли йўлтанламаси Трампнинг Truth Social-даги постидан бир неча дақиқа ўтгач, тўсатдан Оқ уйнинг Ғарбий қаноти эшиги олдига келиб тўхтади .

Агентликнинг қайд этишича, ҳозирча музокаралар жадвалига ҳеч қандай ўзгартириш киритилмаган.