Украинани қўллаб-қувватлаётган "Хоҳиш билдирганлар коалицияси"га аъзо 30 дан ортиқ давлат 24 август — Украина Мустақиллиги куни муносабати билан Киевда учрашув ўтказади.
Йиғилишда бир қатор давлат раҳбарларининг шахсан иштирок этиши, бошқаларнинг эса онлайн тарзда қўшилиши кутилмоқда.
Учрашув Буюк Британия бош вазири Энди Бернхэм, Франция президенти Эммануэль Макрон ва Германия канцлери Фридрих Мерц ташаббуси билан ташкил этилмоқда.
Брюсселдаги НАТО қароргоҳидан маълум қилинишича, альянс бош котиби ўринбосари Радмила Шекеринска ҳам йиғилишда масофадан туриб иштирок этади.
The Kyiv Independent манбаларига кўра, Украина президенти Владимир Зеленский билан бирга мамлакат Мустақиллиги куни тадбирларида Финляндия президенти Александр Стубб, Люксембург бош вазири Люк Фриден ва Европа кенгаши раиси Антониу Кошта ҳам қатнашади.
Бу Франция ва Буюк Британия ташаббуси билан 2025 йил март ойида тузилган "Хоҳиш билдирганлар коалицияси"нинг Киевдаги учинчи учрашуви бўлади.
13 июль куни Францияда ўтказилган аввалги йиғилишда Польша кузда коалиция давлатларининг қўшма ҳарбий машғулотларини ўтказиш режасини маълум қилган эди. Машғулотлар иштирокчиларни ўт очиш тўхтатилганидан кейин Украина ҳудудида эҳтимолий жойлаштирилиши мумкин бўлган "тийиб туриш кучлари" фаолиятига тайёрлашни кўзда тутади. Ушбу кучлар қуруқликда, ҳавода ва денгизда хавфсизликни таъминлаши режалаштирилган.
АҚШ элчиси дунё бошқарувини яҳудийларга бериш таклифи билан чиқди
Туркия Исроилга жавоб зарбасини режалаштирмоқдами?
«Ядровий зарбага — ядровий жавоб»: Теҳрон Вашингтонни огоҳлантирди
