Украина Мозамбикдан газ импорт қилмоқчи

Украина қўшимча энергия таъминотига, хусусан, Мозамбикдан манфаатдор.

Украина президенти Владимир Зеленский бу ҳақда Мозамбик президенти Даниэль Шапу билан музокаралардан сўнг маълум қилди.

“Биз Украинага газ етказиб бериш имкониятларини ва хавфсизлик муаммоларини ҳал қилиш йўлларини Мозамбик президенти Даниэль Шапу билан муҳокама қилдик. Украина қўшимча энергия таъминотига қизиқиш билдирмоқда”, деб ёзди у ўзининг Телеграм каналида.

Зеленскийнинг таъкидлашича, Мозамбик ўз навбатида ички хавфсизликни мустаҳкамлаш ва одамларни ташқи тажовуздан ҳимоя қилиш учун Украина тажрибаси ва технологияларига қизиқиш билдирмоқда.

Раҳбарлар шунингдек, рақамлаштириш ва озиқ-овқат хавфсизлиги соҳасидаги ҳамкорликни муҳокама қилишди.

“Биз жамоаларимиз биргаликда ишлашига келишиб олдик”, деб хулоса қилди Украина раҳбари.