Россиянинг товар омборларига бераётган зарбалари етказаётган зарарни камайтириш учун Украина ҳукумати бизнесга омборларни тарқоқлаштиришда (турли жойларга бўлиб жойлаштиришда) ёрдам беришга ҳаракат қилади. Бу ҳақда Украина бош вазири Сергей Корецкий маълум қилди.
«Давлат, шунингдек, омбор қувватларини тарқоқлаштириш учун бизнесга мавжуд бинолардан фойдаланишда устувор ҳуқуқ беришга тайёр. Иқтисодиёт вазирлиги, АРМА [Активларни қидириш ва бошқариш агентлиги] ва Давлат мулки жамғармасига уч кун муддатда шундай объектлар рўйхатини тайёрлашни топширдим», — хабар берди Корецкий чоршанба оқшомида бизнес, чакана савдо ва логистика компаниялари вакиллари билан ўтказилган фавқулодда йиғилиш ҳисоботида.
Бундан ташқари, бош вазир яқин орада Украина Миллий банки, банклар ва вазирликлар билан бизнесни кредит орқали қўллаб-қувватлаш имкониятлари бўйича йиғилиш ўтказишга ваъда бермоқда, шунингдек, ҳукумат «халқаро логистикани децентрализация қилиш ва божхона коридорини кенгайтириш бўйича қарорлар» тайёрлаётганини маълум қилди.
Саудия Арабистони валиаҳд шаҳзодаси Трампни Эронга қарши бошқа ҳужумлар уюштирмасликка чақирди
Президент таътилдан уйига қайтаётганда автоҳалокатга учради
Юлия Мендель Зеленскийни ёлғон ваъдалар ва ҳокимиятда қолиш учун урушдан фойдаланишда айблади
