Украина Беларусга санкция киритиши мумкин. Бунинг сабаби, Украина ташқи ишлар вазири Димитро Кулебанинг айтишича, президент сайловлари натижаларини сохталаштириш эди. Бироқ, унинг сўзларига кўра, бу сайловолди ташвиқотидаги ҳолат ва ундан кейинги воқеаларга ҳам боғлиқ.
Вазир айтганидек, "Украинанинг позицияси Европа Иттифоқи ва Қўшма Штатлардаги шериклар билан ҳамоҳангдир". «Биз Европа Иттифоқининг ушбу масала бўйича дастлабки баёнотига қўшилдик, бу унинг сиёсати ва ёндашувларини тўлиқ оқлашимиздан далолат беради. Санкциялар тўғрисидаги қарорни кўрганимизда, биз ушбу масалада тегишли қарорларни қабул қиламиз», — деди Кулеба.
Украина ташқи сиёсат бошқармаси бошлиғи расмий Киев Россия президенти Владимир Путиннинг бир кун олдин берган баёнотларига ишора қилиб, Беларус ички ишларига ҳар қандай аралашувнинг қабул қилиниши мумкин эмас деб билишини таъкидлади.
Эслатиб ўтамиз, Россия раҳбари "Россия 1" телеканалига берган интервьюсида ушбу мамлакатда назоратсиз тартибсизликлар бошланган тақдирда Беларус президентига "куч билан" ёрдам беришга ваъда берган эди. Бундан олдинроқ, Украина Президенти Владимир Зеленский беларуслик ҳамкасбига такрорий президентлик сайловларини ўтказишни маслаҳат берганди.