Украина 2022 йилда Россиянинг кенг кўламли босқини бошланганидан кейин биринчи марта табиий газни хорижга сотди. 15 октябрь куни Украина энергетика биржасида ўтказилган дастлабки экспорт савдоларида қарийб 12,75 миллион куб метр газ сотилди.
«Европейская правда» нашри маълумотларига кўра, газнинг бир мегаватт-соат учун нархи 69–69,03 еврони ташкил этди. Савдода тўртта компания иштирок этган бўлиб, уларнинг барчаси ДТЭК гуруҳи таркибига киради.
Энг катта ҳажм — 7,78 миллион куб метрга яқин газ «Нафтогазвидобування» компанияси томонидан сотилган. Қолган ресурслар бошқа учта компания ҳиссасига тўғри келган.
Россиянинг кенг кўламли босқинидан кейин Украина ҳукумати газ экспортини тақиқлаган эди. 2026 йил 7 октябрда қабул қилинган қарор билан хусусий компанияларга газни хорижга сотишга қайта рухсат берилди.
Газни Польша чегараси орқали 26 октябрдан 31 декабргача етказиб бериш режалаштирилган. Экспорт олдиндан тўлов ва тегишли лицензияларни олиш шарти билан амалга оширилади.
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
Роналдунинг севгилиси Мессининг оиласига учта сўз билан мурожаат қилди
Ўзбекистонда уч қиздан кейин оила тўрт нафар ўғил фарзанд кутаётгани маълум бўлди
