Уиткофф ва Кушнер Жешув аэропорти орқали Киевга йўл олди

Польшанинг Rzeszow News портали АҚШ президентининг махсус вакили Стив Уиткофф ва бизнесмен Жаред Кушнернинг Киевга йўл олишда Жешув аэропортини оралиқ нуқта сифатида танлаганини ушбу аэропортнинг муҳим логистик аҳамиятининг яна бир тасдиғи сифатида баҳолади.

"Уларнинг бу ерда пайдо бўлиши шарқий чегарамиз ортидаги можаро билан боғлиқ жараёнларда Жешув-Ясёнка аэропорти нақадар муҳим роль ўйнаётганининг яна бир белгиси бўлиши мумкин", — дейилади материалда.

Нашр таъкидлашича, Польшадаги ушбу аэропорт Украинага йўл олаётган хорижий делегациялар учун энг муҳим логистик нуқталардан бирига айланган.