“Ўғлим — яхши одам”. Терактда гумонланаётган Алишер Қосимовнинг онаси ўғлининг айбдорлигига ишонмаслигини айтди

Москва вилоятидаги Crocus City Hall’да содир бўлган терактда айбланаётган асли қирғизистонлик Алишер Қосимовнинг онаси ўғли тергов изоляторига жўнатилганидан кейин журналистлар билан суҳбатлашди.

59 ёшли Раънонинг айтишича, Алишер “Ҳалол” кафесида ошпаз бўлиб ишлаган. Унинг учта вояга етмаган фарзанди бор. Алишер теракт содир этишда айбланаётганлар учун ижарага берган квартира ипотека эвазига сотиб олинган.

У содда одам, ҳаммага ишонади. У ҳар доим одамларга ёрдам беришни хоҳларди! Уларни Авито орқали топган... уларга ижарага берганини билардим. Лекин у бу йигитларни танимасди, — деди аёл.

Давлат каналлари журналистлари Раънодан нима учун ўғли Авитодаги эълонда “фақат русларга” уй-жой ижарага беришини, лекин бу квартирани Тожикистондан келганларга ижарага берганини сўрашган. Аёл ўғлига яхши пул таклиф қилинганини айтган.

Қосимов тожикистонлик икки эркакка уй ижарага бергани, улар уни Москвага пул топиш учун келганликлари ва қурилишда ишлашларига ишонтиргани айтилмоқда. Келишувдан олдин айбланувчи онаси билан маслаҳатлашган.

Менинг ўғлим террорчи эмас, у уларни танимайди, улар билан ҳеч қандай алоқаси йўқ, — дея таъкидлаган Алишер Қосимовнинг онаси.