Turkmen.news манбасига кўра, Туркманистоннинг Франциядаги элчиси Шоҳрат Жумаевнинг рафиқаси ва қизи сиёсий бошпана сўраган.
Аввалроқ француз матбуоти май ойининг ўрталарида Жумаевнинг рафиқаси полицияга мурожаат қилгани ҳақида хабар берган эди. Унинг сўзларига кўра, эри уни ва уларнинг 19 ёшли қизини калтаклаган. Кейинчалик элчихона ушбу маълумотни рад этди.
Дипломатик доираларга яқин бўлган яна бир манба элчининг оиласи сиёсий бошпана сўраганлиги тўғрисида ҳам маълумотларга эга эканлигини айтди, аммо у бу маълумотни ҳали тасдиқлай олмади. Унга кўра, бошпана бериш тўғрисидаги ариза "яқинда" топширилган.
Шоҳрат Дурдикулиевич Жумаев дастлаб ОАВда Туркманистоннинг Туркиядаги консули сифатида тилга олинган. Кейин, 2008 йилда у Арманистондаги элчи лавозимига ўтказилди. 2010 йилда у Руминияда элчи этиб тайинланди, 2013 йилдан бери Хорватияда ҳам элчи бўлиб ишлади. 2018 йил охирида Жумаев Франция ва Португалиядаги элчи сифатида кўчирилди. 2019 йил май ойида у шунингдек, Туркманистоннинг ЮНEСКОдаги доимий вакили этиб тайинланди.
Украина президенти Россия билан музокараларга тайёр эканини айтди
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
Зеленский Украина мудофааси қулаганини тан олди
