Туркия саноат ва технологиялар вазири Мустафо Варанк мамлакат шарқидаги Ағри вилоятида йирик олтин кони топилганини маълум қилди, дея хабар бермоқда ТРТ.
«Биз Моллакара қишлоғи яқинида 20 тонна олтин ва 3,5 тонна кумуш захираларига эга конларни топдик”, – деди вазир.
Варанкнинг айтишича, ушбу конлардаги олтиннинг қиймати 1,2 миллиард долларга, кумушнинг қиймати эса 2,8 миллион долларга баҳоланяпти. Конларни ўзлаштириш учун 160 миллион доллар сармоя киритилади. Вазир сўнгги 10 йил ичида мамлакатда олтин қазиб олишга сармоя даражаси 25 фоизга ошганини таъкидлади. 2020 йилда мамлакатдаги 18 та кондан 42 тонна олтин қазиб олинган.
Энергетика ва табиий ресурслар вазири Фотиҳ Дўнмез эса бу йил Туркияда 45 тонна олтин қазиб олинишини, келгуси беш йил ичида йиллик олтин қазиб олиш ҳажмини 100 тоннага етказиш режалаштирилганини айтди.
Россия яна бир ҳарбий можарода иштирок этиши мумкин
Макрон: "Агар Россия ғалаба қозонса..."
Россия Арманистон учун қарор чиқарди
