Туркиянинг Измир шаҳрида полиция бўлимига қуролли ҳужум уюштирилди. Ҳодиса натижасида икки полициячи ҳалок бўлди, яна икки нафар ходим яраланди.
Бу ҳақда Туркия ички ишлар вазири Али Ерликая ижтимоий тармоқдаги саҳифасида маълум қилди.
Вазирнинг сўзларига кўра, жиноятда гумонланувчи қўлга олинган. У 16 ёшли Е.Б. экани айтилмоқда.
Ерликая воқеа юзасидан тергов бошланганини қўшимча қилди. Текширув жараёни ҳақида жамоатчиликка маълумот бериб борилади.
Бўлим бошлиғи эса воқеа муносабати билан ҳамдардлик билдирди.
