Зилзиладан жабр кўрган ҳудудлардаги олий ўқув юртларида ўқув жараёни тўхтатилди.
Бу ҳақда Туркия вице-президенти Фуат Ўқтай бугун маълум қилди.
Унга кўра, таълим тўхтатилган университетлар бинолари бошпана сифатида фойдаланилади.
Эслатиб ўтамиз, бугун эрталаб Туркия жануби-шарқида 7,7 магнитудали зилзила содир бўлди.
Зилзила ўчоғи Қаҳраманмараш вилоятининг Пазарджик туманида, 7 километр чуқурликда бўлган. Ҳатай, Газиантеп, Килис, Османия, Малатья, Адияман, Шанлиурфа, Диёрбекир, Адана ва Қаҳраманмараш вилоятларида жиддий вайронагарчиликлар кузатилмоқда.
Сўнгги маълумотларга кўра, зилзила оқибатида 1541 киши ҳалок бўлган, 9733 киши жароҳатланган.