Туркия ўзининг нодир ер элементларини АҚШга беришни режалаштирмаган, аксинча, биз атом энергетикаси бўйича шартнома имзоладик, деди мамлакат энергетика ва табиий ресурслар вазири Алпарслон Байрактар.
"Биз АҚШга ҳеч қандай нодир ер элементларини бермадик. Биз ядро энергетикаси бўйича шартнома имзоладик. Агар нодир ер элементлари ҳақида гапирилганда, буни ошкор қилган бўлардик. Хавотирга ўрин йўқ", - дея таъкидлади вазир.
Байрактар, шунингдек, Туркияда қазиб олинган нодир ер элементлари АҚШга сотилгани ҳақидаги даъволарни ҳам рад этди.
Бироз олдин Туркиянинг Анқарадаги элчиси Томас Барак Сенат Ташқи алоқалар қўмитасида сўзлаган нутқида Туркиянинг ҳали тўлиқ ўзлаштирилмаган нодир ер элементлари захираларини “стратегик имконият” деб атаган эди.
"Биз Бейликовда 694 миллион тонна нодир ер элементларини топдик. Мамлакатимиз бу соҳада дунёдаги етакчи бешликка киради. Биз бу борада фаол ишлаяпмиз ва тажриба заводини қуриш ниятидамиз", - дея вазирнинг сўзларидан иқтибос келтиради Туркия газетаси.
Эскишеҳир вилоятидаги Бейликова тумани 694 миллион тонна нодир металлар заҳиралари аниқланган. Бу дунёдаги иккинчи энг йирик заҳиралар ҳисобаланади. Энг йирик - 800 миллион тоннага баҳоланган захиралар эса — Хитойда.
Ким Чен Иннинг саломатлигига доир айрим маълумотлар ошкор қилинди
Эрлинг Ҳоланд «Реал Мадрид»га ўтмоқчи!
Нью-Йоркнинг янги мусулмон мэри — Мамдани, аслида, ким?
