Туркия Макка мудофаа пакти доирасида Саудия Арабистонида ҳарбий база ташкил этмоқчи

Хабар берилишича, Туркия қисқа ва ўрта масофали зенит-ракета комплексларидан фойдаланган ҳолда Саудия Арабистонининг нефт-газ ва электр энергетика инфратузилмасининг тўртта энг муҳим объектини ҳимоя қилишда иштирок этишни режалаштирмоқда. Контингент сони, бўлинмалар таркиби ва улар жойлашадиган ҳудудлар яқин кунларда белгиланади.

Туркия ҳарбий контингентини Саудия Арабистонига юбориш тўғрисидаги қарорни республика парламенти тасдиқлаши керак. Овоз бериш шу ойда бўлиб ўтиши кутилмоқда.

Туркия Саудия Арабистонига 200 дан ортиқ ҳарбий мутахассисларни жўнатган, шунингдек, радиоэлектрон кураш воситалари ҳамда ер ва зенит-ракета комплексларини етказиб берган. Шу билан бирга, Анқара Яманда ҳужумкор операциялар ўтказишни режалаштирмагани, бироқ ҳукумат армиясига тактик, стратегик ва логистик ёрдам кўрсатиши мумкинлиги айтилмоқда.

Макка мудофаа алянси 2026 йил 7 августда Саудия Арабистони, Покистон ва Туркия томонидан қўшма мудофаа тўғрисидаги битим имзоланганида ташкил этилган эди. Ҳужжат иштирокчи мамлакатлардан бирортасига қилинган қуролли ҳужумни уларнинг барчасига қилинган ҳужум сифатида кўриб чиқишни назарда тутади.