Президент Ражаб Тоййиб Эрдўғоннинг ҲАМАСни Трампнинг Ғазо бўйича режасини қабул қилишга кўндириб, Ғазо секторидаги урушни тўхтатиш бўйича келишувда иштирок этиши Туркиянинг Яқин Шарқда марказий ролни эгаллашга интилишини кучайтирди, деб ёзади Reuters.
Агентликка кўра, ҲАМАС томонидан “сиёсий ҳомий” сифатида қараладиган Анқара, ҳаракатнинг келишувга рози бўлишида ҳал қилувчи рол ўйнаган. Энди Туркия АҚШ билан муносабатларида ҳам бундан фойда кўришга умид қилмоқда.
Манбаларга кўра, Туркиянинг келишувдаги иштироки нафақат Исроил, балки Миср, Саудия Арабистонини ҳам ташвишга солган.
Эслатиб ўтамиз, Туркиянинг ҲАМАСни қўллаб-қувватлаши унинг Исроил ва бир қатор араб давлатлари билан муносабатларини янада кескинлаштирди.