Turkish Airlines авиакомпанияси Истанбулдан Бухорога тўғридан-тўғри рейсларни йўлга қўйди. Бу ҳақда Транспорт вазирлиги матбуот хизмати хабар берди.
7 июнь куни эрталаб Turkish Airlines самолёти Бухоро аэропортига келиб қўнди.
“Истанбул – Бухоро – Истанбул” йўналишида мунтазам авиақатновлар ҳафтанинг сешанба ва жума кунлари бажарилади.
Ўзбекистон ва Туркия шаҳарлари ўртасида амалга оширилаётган мунтазам авиақатновлар сони 56 тага етди.
