Ерларнинг таназзулга учраши инсоният олдида турган энг жиддий экологик муаммолардан бири бўлиб, бугун дунё қуруқлик ҳудудларининг қарийб 40 фоизига ва 3,2 миллиард инсон ҳаётига таъсир кўрсатмоқда.
Марказий Осиёда ер майдонларинин гтахминан 37 фоизи деградацияга учраган. Ўзбекистонда эса бу кўрсаткич 26 фоизни ташкил этиб, тупроқнинг шўрланиши, гумус миқдорининг камайиши ва қишлоқ хўжалиги ҳосилдорлигининг пасайиши билан намоён бўлмоқда.
Ана шу сукутда кечаётган фожиани жамоатчиликка етказиш мақсадида Қишлоқ хўжалиги вазирлиги, ФАОнинг Ўзбекистондаги ваколатхонаси ва"Замин" фонди кўмагида "Она Ернидоси" ҳужжатли фильми суратга олинди.
Жорий йилнинг 4 декабрь куни илк бор ФАОнинг Италиядаги Бош қароргоҳида илк бор жамоатчиликка намойиш этилган фильмнинг тақдимоти Ўзбекистонда "Тошкент ирригация ва қишлоқ хўжалигини механизациялаш муҳандислари институти" Миллий тадқиқот университети ҳамда Давлат аграр университетида бўлиб ўтди.
"Замин" фонди Васийлик кенгаши раиси талабалар билан самимий суҳбатда тупроқ деградацияси муаммоларини муҳокама қилди, бўлажак мутахассисларнинг ғоя ва таклифларини диққат билан тинглаб, экологик жараёнлар минтақанинг озиқ-овқат хавфсизлиги учун қанчалик хавфли эканини таъкидлади.
Озодликка чиқарилган Акмал Шукуров яна қамоққа қайтарилди
Юртимизда адолат пешволари пора билан қўлга тушди
Энди шаҳарнинг барча кўчаларидаги ариқларда сув айланади
