АҚШ президенти Дональд Трампнинг ўғиллари — Эрик ва кичик Дональд Қозоғистонда вольфрам қазиб олувчи компаниянинг улушини сотиб олишди.
Financial Times нашрининг ўз манбаларига таяниб хабар беришича, мазкур келишув ўтган йилнинг август ойида амалга оширилган.
Маълум қилинишича, Эрик ва кичик Дональд дастлаб Skyline Builders қурилиш гуруҳидан улуш сотиб олишган. Кейинчалик ушбу гуруҳ Kaz Resources компаниясининг 20 фоизлик улушига эга бўлган. Соддароқ қилиб айтганда, Kaz Resources ва унга алоқадор бўлган Cove Kaz Capital тузилмаси Skyline билан бирлашган.
«Янги ташкил этилган компания Nasdaq биржасида Kaz Resources тикери остида савдо қилишни режалаштирмоқда. Бирлашув ҳақидаги пресс-релизда ака-ука Трампларнинг исми тилга олинмаган», — дейилади мақолада.
Кичик Дональд Трампнинг вакили эса унинг шунчаки пассив инвестор эканини ва компаниянинг операцион фаолиятида иштирок этмаслигини таъкидлади. Шунингдек, у Трампнинг ўғли ўз инвестициялари манфаати йўлида федерал ҳокимият органлари билан ҳеч қандай алоқа ўрнатмаслигини айтиб ўтди.
«Реал» Мбаппе билан хайрлашадими?
Можтаба Хоманаий Путинга мактуб йўллагани маълум бўлди
Хитой аҳолиси Франция даражасида қисқариши мумкин: Иқтисодиёт хавф остида
