АҚШ Конгрессининг Вакиллар палатаси конгрессмен Эл Гриннинг президент Дональд Трампга ўлим жазоси ҳақидаги изоҳлари учун импичмент эълон қилишга уринишини рад этди.
Қонун чиқарувчи ҳокимият қуйи палатасидаги овоз бериш жараёнини C-SPAN телеканали эфирга узатган.
Вакиллар палатаси 10 декабрь куни Грин киритилган импичмент резолюциясини рад этди, 237 аъзо ёқлаб, 140 аъзо қарши, 47 аъзо эса бетараф қолди. Шунинг учун резолюция кўриб чиқилмади.
Грин Трампни ўз ваколатини суиистеъмол қилишда ва "зўравонликни тарғиб қилишда, нафрат уйғотишда, демократияга путур етказишда ва республикани вайрон қилишда" айблади. Хусусан, қонунчи Трампнинг аввалроқ демократ сенаторлар ва конгрессменларга Америка қўшинларини буйруқларга бўйсунмаслик чақириқлари тартибсизликларга ундаш сифатида ўлим билан жазоланиши мумкинлигини эслатган баёнотига эътибор қаратди. Бундан ташқари, Гриннинг позициясига кўра, Трамп федерал судьяларга таҳдид солмоқда, суд ҳокимияти мустақиллигига путур этказмоқда ва унинг сиёсати натижасида "сиёсий зўравонлик ва ҳужум таҳдидлари" ҳолатлари кўпайган.
Муҳаммад Салоҳ жазоланадиган бўлди
Бомба ўрнатилган автомобилнинг портлаши оқибатида беш киши ҳалок бўлди
Самарқанддаги “Қорасув” сув омбори бутунлай қуриб қолди
