Трамп Зеленский билан учрашмайди

Дональд Трамп АҚШга ташрифи давомида Зеленский билан учрашишни режалаштирмаяпти.

Трамп ва Зеленский ўртасидаги учрашув шу ҳафтага режалаштирилмаган, деди AP'га республикачи президентликка номзоднинг штаб-квартирасидаги манба.

Бир ҳафта олдин Дональд Трамп Украина президенти билан учрашишни истисно этмаган эди. Reuters агентлигининг хабар беришича, журналистнинг бундай учрашув режалаштирилганми ёки йўқми деган саволига Трамп: «Ҳа, балки», деб жавоб берган.

Июль ойида Зеленский ва Трамп телефонда гаплашган ва Украина президенти суҳбатни «яхши» деб атаган.

Зеленский, шунингдек, Оқ уйга тақдим этадиган «ғалаба режаси»ни Трамп билан муҳокама қилиш ниятида эканлигини айтди.