АҚШ президенти Дональд Трамп соғлиги бўйича яхши ҳолатда — унинг юраги шифокор баҳосига кўра, 65 ёшли одам юрагига тенг. Бу ҳақда шахсий шифокори Шон Барбабелла жума куни Оқ уй томонидан эълон қилинган тиббий кўрик хулосасида маълум қилди.
Барбабелланинг таъкидлашича, Трамп ҳеч қандай чекловларсиз фаол иш режимини бажара олади. Уга бир қатор стандарт таҳлиллар ўтказилган, шунингдек, коронавирус ва гриппга қарши эмланиш ҳам амалга оширилган.
Трампнинг ўзи ҳам 9 октябрда берган баёнотида жисмоний ва руҳий ҳолатидан мамнунлигини айтди ҳамда бир неча ой аввал когнитив тестда “идеал натижа” қайд этганини эслатди. Унинг таъкидлашича, собиқ президент Жо Байден “ҳатто биринчи учта саволга ҳам жавоб бера олмасди”.
Шунингдек, оммавий ахборот воситаларида Трампнинг соғлиғига оид турли тахминлар ҳам тарқалган — айрим сурат ва видеоларда унинг оёқлари шишиб кетгани, қўлларида эса грим билан беркитилган кўклар кўзга ташланган. Оқ уй бунга изоҳан, бундай ҳолатлар аспирин қабул қилиш орқали юрак-қон томир тизими учун режали даволаш доирасида содир бўлганини маълум қилди.
Йирик астероид Ой билан тўқнашди (видео)
Қирғизистон ҳам пойтахтини кўчирмоқчи
Эркинжон Турдимовнинг укаси янги лавозимга тайинланди
