АҚШ президенти Дональд Трамп Эрон билан янги иқтисодий ҳамкорлик йўлга қўйилиши мумкинлигини маълум қилди. Унинг айтишича, яқин вақт ичида Америка компаниялари учун Эрон бозори очилиши кутилмоқда.

Трампнинг сўзларига кўра, АҚШ Эрон билан янги иқтисодий жараёнларни бошлашни режалаштирмоқда. У Эронда озиқ-овқат таъминоти билан боғлиқ муаммолар мавжудлигини таъкидлаб, мамлакатга буғдой, соя ва маккажўхори етказиб бериш бўйича йирик дастур яқин орада ишга туширилишини билдирди.

Шунингдек, АҚШ президенти Вашингтон Теҳрон билан музокараларни «куч позицияси»дан олиб бораётганини айтди.

«Улар буни яхши тушунишади», — деди Трамп Эрон раҳбариятини назарда тутиб.