Доналд Трамп Truth Social ижтимоий тармоғида Хитой армияси сунъий интеллект чипларидан фойдаланиши хавфи мавжудлигига қарамай, Пекинга Nvidia H200 чипларини сотишга рози бўлганини маълум қилди.
Трамнинг сўзларига кўра, у Хитойга чипларни 25 фоизлик бож эвазига сотишга рози бўлгани ва Си Жинпин бу қарорни ижобий қабул қилганини билдирди. АҚШ президентининг эълони ортидан Nvidia компанияси акциялари дарҳол 2 фоизга ошган.
Трампнинг айтишича, Nvidia H200 чиплари Хитой ва бошқа давлатлардаги тасдиқланган мижозларга етказилади ҳамда кучли миллий хавфсизлик чораларига риоя қилинади. Шу билан бирга, президент бу жараён орқали Америка хавфсизлигига путур етмаслигига ишонишини таъкидлади.
"Биз миллий хавфсизликни ҳимоя қиламиз, Қўшма Штатларда иш ўринларини яратамиз ва сунъий интеллект соҳасида Америка етакчилигини сақлаб қоламиз. Nvidia'нинг Қўшма Штатлардаги мижозлари аллақачон ўзларининг юқори даражада илғор Blackwell чиплари устида ишлашмоқда, тез орада Rubin ҳам чиқарилади. Уларнинг ҳеч бири ушбу келишув таркибига кирмайди. Менинг маъмуриятим доимо Американи биринчи ўринга қўяди", — дея қўшимча қилди Оқ уй раҳбари.
Келаётган ҳафта Ўзбекистонда совуқ ҳаво кутилмоқда
Муҳаммад Салоҳ жазоланадиган бўлди
АҚШ "ҳам сиз билан, ҳам биз билан ўйнаяпти" - Мерц
