АҚШ президенти Дональд Трамп маъмурияти Россия билан яқинлашув АҚШ ва Хитой ўртасидаги глобал рақобатда кучлар мувозанатини Вашингтон фойдасига ўзгартириши мумкин, деб ҳисоблайди. Бу ҳақда Politico Оқ уй вакилларига таяниб хабар берди.
Нашр маълумотига кўра, стратегия Россияга Украинадаги урушни якунлаш учун иқтисодий рағбатлар беришни, уни жаҳон иқтисодиётига қайтаришни ва Америка инвестицияларини жалб қилишни назарда тутади. Маъмурият фикрича, бу Россия ва Хитой ўртасидаги яқинлашувни сусайтиради.
Хитойга қарши туриш Трампнинг кенгроқ ташқи сиёсат йўналишига мос келади. Шу мантиқ доирасида Кубага босим ўтказиш ва Венесуэла президенти Николас Мадурони ағдаришга қаратилган ҳаракатлар ҳам кўрилади — бу чоралар Пекиннинг Ғарбий яримшардаги таъсирини камайтиришга қаратилган.
Айнан шу билан Politico Оқ уй нега Украина бўйича музокаралар бир неча ой давомида натижа бермаганига қарамай, бу йўналишдан воз кечмаганини изоҳлайди — ҳатто Москва Эронга Америка нишонларига зарба бериш учун разведка маълумотларини узатаётгани ҳақидаги хабарлар фонида ҳам.
Киевда бу стратегияга шубҳа билан қаралмоқда. «Биз бундай ёндашувни аввал ҳам синаб кўрганмиз — ва бу ҳеч қандай натижа бермаган», — деди нашрга украин амалдори, Германиянинг «шарқий сиёсати» ҳам урушни тўхтата олмаганини эслатиб.
Эрон мусулмон давлатларига чақириқ билан чиқди
Эрондаги вазиятдан Марказий Осиёда энг кўп Тожикистон қийналиши мумкин
Эрон Исроилга ўта оғир баллистик ракеталар билан кучли ҳужум уюштирди
