Трамп: Хитой ва Россия Эронга қурол етказиб бермаяпти

АҚШ президенти Дональд Трамп Хитой ва Россия Эронга ҳарбий ёрдам кўрсатмаётгани ҳамда унга қурол етказиб бермаётганини маълум қилди.

Унинг сўзларига кўра, Хитой раиси Си Цзиньпин Пекинда бўлиб ўтган шахсий учрашув чоғида на Хитой, на хитойлик компаниялар ҳеч қандай шароитда Эронга қурол сотмаслиги ёки етказиб бермаслигини айтган.

Трамп, шунингдек, Россия президенти Владимир Путин ҳам Москва Теҳронга қурол сотишдан бош тортганини маълум қилганини таъкидлади.

«Одатда Эрон билан боғлиқ ҳолда тилга олинадиган икки йирик давлат, менинг фикримча, бу жараёнда иштирок этмаяпти», — деб ёзди Трамп Truth Social ижтимоий тармоғида.