АҚШ президенти Доналд Трамп The New York Post газетасига Россия президенти Владимир Путин билан телефон орқали Украинадаги уруш ҳақида гаплашганини айтди.
Бу қачон содир бўлгани номаълум. Икки давлат раҳбари телефонда неча марта гаплашгани ҳақидаги саволга Трамп: "Буни айтмаганим маъқул", деб жавоб берди.
Трампнинг сўзларига кўра, Путин "одамлар жанг майдонида ўлишини бас қилишни" истайди. АҚШ президенти, шунингдек, урушни қандай тугатиш бўйича аниқ режаси борлигини айтди.
АҚШ вице-президенти Ж.Д. Вэнс келаси ҳафта бўлиб ўтадиган Мюнхен хавфсизлик конфересиясида Украина президенти Володимир Зеленский билан учрашади. Аввалроқ Трамп келаси ҳафтада Зеленский билан учрашиши мумкинлигини айтган эди.
АҚШ президенти, шунингдек, хавфсизлик кафолатлари эвазига Украинанинг нодир металлари ва бошқа ресурсларидан фойдаланиш учун Зеленский билан 500 миллион долларлик шартнома тузмоқчи эканлигини айтди.
Геологлар улкан олтин захирасини топиб олди
Россияда доллар нархи кескин тушиб кетди
Машина сотиб олиш янада осонлашади
