Трамп: "Венесуэла АҚШга 50 миллион баррелгача нефть беради"

АҚШ президенти Дональд Трамп Венесуэла ҳукумати 50 миллион баррелгача нефтни АҚШга сотиш учун ўтказишини ва бу битимдан тушган маблағни ўзи назорат қилишини маълум қилди.

Бу ҳақда Америка етакчиси Truth Social нашрида ёзди.

"Венесуэла муваққат ҳукумати АҚШга 30 дан 50 миллион баррелгача юқори сифатли, санкцияланган нефтни ўтказишини мамнуният билан эълон қиламан”, деди у. "Бу нефть бозор қийматида сотилади ва мен АҚШ президенти сифатида бу пулни Венесуэла ва АҚШ халқи манфаати учун ишлатилишини таъминлаш учун назорат қиламан!" "Мен АҚШ энергетика вазири Крис Райтга ушбу режани зудлик билан амалга оширишни топширдим", — дея қўшимча қилди Трамп. Унинг қайд этишича, нефть АҚШ портларига етказилади.