Сурия президенти Аҳмад ал-Шараа америкалик ҳамкасби Дональд Трамп билан телефон орқали суҳбатлашди, суҳбат давомида улар Суриядаги вазиятни муҳокама қилишди.
Бу ҳақда Сурия президенти матбуот хизмати маълум қилди.
Икки раҳбар Суриянинг бирлиги ва мустақиллигини сақлаш, шунингдек, мамлакатда барқарорликка эришишга қаратилган барча саъй-ҳаракатларни қўллаб-қувватлаш муҳимлигини яна бир бор тасдиқладилар. Улар Сурия давлати ичида курд аҳолисининг ҳуқуқлари ва ҳимоясини таъминлаш зарурлигини таъкидладилар.
Икки раҳбар ҳам ИШИД террорчилик ташкилоти ва унинг таҳдидларига қарши курашда ҳамкорликни давом эттиришга келишиб олдилар. Шунингдек, икки президент минтақавий ва халқаро муаммоларга қарши тура оладиган кучли ва бирлашган Сурияни кўриш истагини билдирдилар.
"Суҳбат давомида бир қатор минтақавий масалалар муҳокама қилинди, Сурияга яхшироқ келажакка интилиш учун янги имконият бериш муҳимлигига урғу берилди", дейилади баёнотда.
Ҳатто ЙТҲдан кейин ҳам Адам Қодиров медал олиб келмоқда
Гренландия ташқи ишлар вазири йиғлаб юборди
Украина Россиянинг "Орешник" ракеталари учириладиган ракета майдончасига зарба берди
