АҚШ президенти Доналд Трамп тинчлик келишуви имзоланмагунча Украина раҳбарларини Оқ уйга таклиф қилмаслигини билдирган, деб ёзмоқда Politico.
Нашрнинг ўз манбаларига таяниб ёзишича, бу ҳақда АҚШ давлат котиби Марко Рубио европалик ҳамкорларига маълум қилган. Рубио, шунингдек, Вашингтон Украинага қандайдир хавфсизлик кафолатларини фақат Россия билан урушни якунлаш бўйича битим имзоланганидан кейин беришга рози бўлишини айтди.
"Украина Ғарбнинг хавфсизлик кафолатларини Россия билан эҳтимолий келишувнинг асосий элементи сифатида кўриб чиқмоқда. Шу билан бирга, NATO ичида Киевга ҳарбий ёки разведка ёрдами бериш борасида ягона позиция йўқ", дея ёзмоқда Politico.
"Баъзи Европа давлатлари Трамп маъмурияти вазиятни Россия фойдасига оғдириб юборишидан қўрқмоқда. Вашингтоннинг тинчлик режасида инсон ҳуқуқлари, гуманитар ҳуқуқ, халқаро ҳуқуқ ёки принциплар ҳақида бирор оғиз гап йўқ. Бу эса Европа хавфсизлигини заифлаштириши мумкин", — дея фикр билдирди европалик амалдорлардан бири.
Каспий денгизи иккига ажралиши мумкин
Тошкент вилояти ва Тошкент шаҳрида "ерфурушлар" қўлга тушди
АҚШнинг Тошкентдаги элчихонаси эълони
