Трамп ўғли Путинга яқин олигархга тўйи учун берилган пулларни қайтарганини айтди

АҚШ президенти Доналд Трампнинг маълум қилишича, унинг ўғли кичик Доналд Трамп Багама оролларида бўлиб ўтган тўйининг харажатларини қисман тўлаб берган Халқаро бокс ассоциацияси (IBA) раҳбари Умар Кремлёвга пулларни қайтариб берган.

"Мени тушунишимча, у қарзни қайтарган", — дея таъкидлади Трамп журналистлар билан суҳбатда. Россия ҳукуматига яқин бўлган Кремлёв АҚШ президентини ўғлининг тўйини молиялаштиришда иштирок этиши қанчалик ўринли экани ҳақидаги саволга жавобан, Трамп бу "шубҳасиз, жоиз" ҳолат эканини қўшимча қилди.

Кичик Трампнинг вакили тўй харажатлари тўлаб берилганини инкор этмади ва Кремлёвни АҚШ президенти ўғлининг "шахсий дўсти" деб атади. Унинг сўзларига кўра, уларни "бокс ва табиат қўйнидаги ҳордиққа бўлган умумий қизиқиш заминидаги фақатгина шахсий муносабатлар" боғлаб туради.

Аввалроқ Ахios нашри АҚШ Конгрессидаги демократлар кичик Доналд Трампнинг тўй харажатлари Кремлга яқин олигарх томонидан тўланиши бўйича тергов бошлаганини хабар берганди. Шу билан бирга, АҚШ бош прокурори Тодд Бланш унинг идораси Умар Кремлёв томонидан тўй харажатлари тўлаб берилиши ҳолатини тергов қилиш учун ҳеч қандай сабаб кўрмаётганини маълум қилган.