АҚШ президенти Дональд Трамп Американинг Туркиядаги элчиси ва инвестор Том Барракни Ироқ бўйича президентнинг махсус элчиси этиб тайинлади. Бу ҳақда Трамп ўзининг Truth Social тармоғида маълум қилди.
Трампнинг сўзларига кўра, Том Баррак Анқарадаги АҚШ элчиси сифатидаги фаолиятини давом эттиради. Шу билан бирга, у АҚШ президентининг Ироқ бўйича махсус элчиси вазифасини ҳам бажаради.
«Биз Том Барракнинг амалга оширган ишларини ва мамлакатимизга хизмат қилишга бўлган садоқатини юқори баҳолаймиз», — деди Трамп.
АҚШ раҳбари, шунингдек, Вашингтон Сурия ва Ироқ ҳукуматлари билан стратегик ҳамкорликни ривожлантираётганини таъкидлади.
Reuters маълумотига кўра, Ироқ бўйича аввалги махсус вакил Марк Савая жорий йил февраль ойида лавозимини тарк этган. Манбаларнинг билдиришича, бунга айрим вазифаларнинг самарасиз бажарилгани сабаб бўлган.
79 ёшли инвестор Том Баррак 2025 йил апрелидан буён АҚШнинг Туркиядаги дипломатик миссиясига раҳбарлик қилиб келмоқда. Шу йил май ойида у Сурия бўйича ҳам президентнинг махсус вакили этиб тайинланган эди.
1 июндан тарифлар ошади: олдиндан тўлов қилганлар 2 ой эски нархда тўлайди
Ўзбекистонда июнда аномал иссиқ оқибатида ҳарорат +47° гача чиқади
Эрон жавоб қайтарди: АҚШ авиабазасига зарба берилди
